Reto 10
Queremos que o crecemento de Tui xere tamén oportunidades para traballar, abrir un negocio, emprender e desenvolver unha actividade profesional aquí.
2023: comercio, mercado, emprendemento e emprego.
PROXECTO 10.1
Un centro con máis persoas camiñando, actividades durante todo o ano, familias que pasan a tarde e novos residentes significa tamén máis oportunidades para o comercio e a hostalaría.
Queremos conectar as políticas comerciais co resto de TUI 20.000: cultura, aparcamento, mobilidade, universidade, familias e mellora do espazo público deben traballar tamén a favor da actividade económica.
Conseguir un centro con máis actividade durante máis horas e máis meses do ano.
PROXECTO 10.2
Quen queira iniciar un proxecto debería contar con orientación sobre os trámites, as administracións e os recursos dispoñibles.
Queremos crear unha porta municipal clara de orientación que acompañe aos novos proxectos e os conecte con formación, financiamento, espazos e organismos especializados cando sexa necesario.
Facer máis sinxelo transformar unha idea empresarial ou profesional nun proxecto que poida quedar en Tui.
PROXECTO 10.3
Queremos unha relación estable coas empresas para coñecer que perfís necesitan, que dificultades atopan e que necesidades comúns poden abordarse desde o Concello.
Esa información debe servir tamén para conectar empresas, persoas que buscan emprego e centros formativos, en lugar de traballar cada parte por separado.
Conectar mellor emprego, formación e empresa para que máis oportunidades profesionais poidan desenvolverse en Tui.
PROXECTO 10.4
En Tui hai persoas desenvolvendo proxectos empresariais, artísticos, artesanais, culturais, creativos e profesionais que moitas veces traballan sen coñecerse entre elas nin estar conectadas coa actividade municipal.
Queremos localizar ese talento e crear unha rede que permita coñecelo, conectalo e incorporalo cando existan oportunidades de colaboración, formación, eventos ou proxectos.
Que vivir en Tui poida significar tamén atopar oportunidades para traballar, emprender e desenvolver aquí un proxecto profesional.
PROXECTO 10.5
Impulsar a incorporación de Tui á iniciativa galega de Concellos Emprendedores, estudando os incentivos fiscais e as medidas administrativas que permitan facilitar a creación, implantación e ampliación de empresas no municipio.